Ադրբեջանի եւ Հայաստանի նախագահները համաձայնության են եկել Լեռնային Ղարաբաղի հակամարտության կարգավորման հիմնարար սկզբունքների վերաբերյալ: Այդ մասին Պրահայում Սարգսյան-Ալիեւ հանդիպումից հետո հաղորդել է ԵԱՀԿ Մինսկի խմբի ամերիկյան համանախագահ Մեթյու Բրայզան:
Նրա խոսքով, Ադրբեջանի եւ Հայաստանի նախագահների հանդիպման արդյունքները կարելի է գնահատել որպես հաջող եւ արգասաբեր:
«Համատեղ դիրքորոշման հասնելու համար հարկավոր է շարունակել երկխոսությունը: Ուստի Ադրբեջանի եւ Հայաստանի նախագահների միջեւ հաջորդ բանակցությունները սպասվում են մոտ ժամամակներս Սանկտ-Պետերբուրգում»,- ասել է Բրայզան, հաղորդում է «Նովոստի-Ազերբայջանը»:
