Հանրապետության տոնի առիթով մայիսի 31-ին Երեւանի «Միկա» ՖԱ մարզադաշտում կայացել է ֆուտբոլի ընկերական հանդիպում, որին մասնակցում էինՀՀ ԱԳՆ եւ ՀՀ-ում հավատարմագրված օտարերկրյա պետությունների դեսպանությունների եւ դիվանագիտական կարգավիճակ ունեցող միջազգային կազմակերպությունների ներկայացուցչությունների հավաքական թիմերը:
Մայիսի 28-ին Հայաստանի Առաջին Հանրապետության 91-ամյակին նվիրված հանդիպումն ավարտվել է 10:7 հօգուտ դիվանագետների:
Ինչպես PanARMENIAN.Net-ի թղթակցին է հաղորդել ԱԳՆ կազմկոմիտեի եւ «Դիվանագետ» սիրողական ակումբի նախագահ Արմեն Գեւորգյանը, Հայաստանում նման ընկերական հանդիպումները ավանդական բնույթ են կրում եւ հնարավորություն են տալիս դեսպանություններից գործընկերների հետ ոչ պաշտոնական մակարդակով ծանոթանալ:
