Մեծ Տանն Կիլիկիո Կաթողիկոս Արամ I հեռախոսազրույց է ունեցել Իրանի հայկական թեմի առաջնորդ, արքեպիսկոպոս Սեպուհ Սարգսյանի հետ: Ինչպես PanARMENIAN.Net-ին հաղորդել են Մեծ Տանն Կիլիկիո Կաթողիկոսարանի մամլո ծառայությունից, հեռախոսազրույցի ընթացքում կողմերը քննարկել են ընդհանուր իրավիճակն Իրանում եւ հնարավոր հետեւանքները երկրի հայկական համայնքի համար:
Արքեպիսկոպոս Սեպուհ Սարգսյանը հաղորդել է, որ ո’չ Թեհրանում, ո’չ Իրանի այլ քաղաքներում հայկական համայնքից տուժածներ չկան` ավելացնելով, որ հայերն ուշադրությամբ հետեւում են երկրում կատարվող քաղաքական իրադարձություներին:
Արամ I-ն արքեպիսկոպոս Սեպուհ Սարգսյանի միջոցով իր հայրական օրհնությունն է փոխանցել Իրանի ողջ հայությանը:
