Երեւանում բացվել է «ԵՄ-Հայաստան. Կա՞ն արդյոք նոր հիմքեր եվրաինտեգրման գործընթացի առաջընթացի համար» խորագրով համաժողովը: Համաժողովի ընթացքում մասնակիցները քննարկել են եվրաինտեգրման նոր մարտահրավերներն ու հնարավորությունները տարածաշրջանային համագործակցության նոր զարգացումների ֆոնի վրա:
Համաժողովն անցնում է «Հայաստանի եվրոպական ընկերներ» ոչ կառավարական կազմակերպության British Council-ի երեւանյան գրասենյակի, ՀՀ ՏԿՆ միգրացիոն գործակալության ու «Մարդկային զարգացման միջազգային կենտրոնի» համագործակցությամբ` «Աջակցություն Հայաստանում միգրացիոն քաղաքականության մշակմանն ու համապատասխան կարողությունների ձեւավորմանը» ծրագրի շրջանակներում:
