14 երկրների 148 հեռուստաընկերություներից «Ոսկե զանգակ» Հեռուստատեսային ծրագրերի եւ ֆիլմերի XIII միջազգային փառատոնի գլխավոր մրցանակներին հավակնում են Ռուսաստանի, Ֆինլանդիայի, Հայաստանի, Բուլղարիայի եւ Բելառուսի հեռուստատեսային աշխատակիցները:
Նման եզրակացության է եկել փառատոնի փորձագիտական խորհուրդը, որը մեկ շաբաթվա ընթացքում դիտելով 300 աշխատանք, ընտրել է մոտ 50 հեռուստատեսային ծրագիր եւ ֆիլմ: Սեպտեմբերին Խանտի-Մանսիյսկում կայանալիք «Ոսկե զանգակ» փառատոնի հաղթողները կստանան «Ոսկե աստվածուհի»` փառատոնի գլխավոր մրցանակը, հաղորդում է ԻՏԱՌ-ՏԱՍՍ-ը:
«Ոսկե զանգակ» փառատոնը, որը հնարվել է 1996թ.` որպես Խանտի-Մանսիյսկի ինքնավար մարզի հեռուստաընկերությունների պրոֆեսիոնալ վարպետության մրցույթ, հասցրել է միջազգային դառնալ: Դա զանազան ժանրերի հեռուստատեսային աշխատանքների բաց ստեղծագործական մրցույթ է, որի թեման մշտական է` «Մարդն ու ժամանակը»:
