Հայաստանի նախագահ Սերժ Սարգսյանը կմասնակցի ՀԱՊԿ ոչ պաշտոնական գագաթնաժողովին, որը տեղի կունենա Ղրղզստանում հուլիսի 31-ին-օգոստոսի 1-ին: Այդ մասին PanARMENIAN.Net-ին են հաղորդել իրազեկ աղբյուրներից: Գագաթնաժողովը կանցնի Իսիկ-Կուլի լճափին գտնվող Ղրղզստանի նախագահի նստավայրում:
Հանդիպմանը կմասնակցեն նաեւ Բելառուսի, Ղազախստանի, Ռուսաստանի, Տաջիկստանի, Ուզբեկստանի ու Ղրղզստանի նախագահները:
