«Փաստահավաք խմբի ունցած տվյալների համաձայն, մարտի 1-ի իրադարձություններին Հայաստանի Պաշտպանության նախարարության տրամադրած ռազմական հագուստով մասնակցել են հայ մեծահարուստների թիկնապահները»,- այսօր Երեւանում կայացած մամլո ասուլիսին հայտնել է նախկին փաստահավաք խմբի անդամ Անդրանիկ Քոչարյանը:
Քոչարյանը հաղորդել է, որ այդ տեղեկատվությունը ստուգելու համար խումբն անկնկալ այց է կատարել ՀՀ Պաշտպանության նախարարության թիկնային վարչության պահեստներ, որտեղ նրանց դիմավորել է թիկնային ծառայության պետ Նորիկ Էլչյանը եւ արգելել ծանոթանալ հաշվեմատյանների հետ ու զննել պահեստը:
