Աթենքում տեղի ունեցած ԵԱՀԿ ԱԳՆԽ հանդիպման շրջանակներում, Հայաստանի եւ Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն չեն քննարկել Ղարաբաղյան հակամարտության կարգավորման հարցը: Այդ մասին PanARMENIAN.Net – ի թղթակցի հետ զրույցի ընթացքում հայտարարել է ՀՀ ԱԳ նախարարի մամլո քարտուղար Տիգրան Բալայանը: «Հանդիպման ընթացքում կողմերը քննարկել են միայն հայ-թուրքական հարաբերությունների հարցը», – հայտարարել է ՀՀ արտաքին քաղաքական գերատեսչության մամլո քարտուղարը:
Նախկինում թուրքական ԶԼՄ-երը տեղեկատվություն էին տարածում այն մասին, որ Աթենքում Հայաստանի եւ Թուրքիայի ԱԳ ղեկավարները քննարկել են Լեռնային Ղարաբաղի հարցը:
