Թուրք պատգամավոր. ԵԱՀԿ ՄԽ-ի համանախագահները պետք է ընդունեն իրենց անհաջողությունը

ԵԱՀԿ ՄԽ-ը «մի քանի տարիների ընթացքում չի ունեցել ոչ մի առաջխաղացում ղարաբաղյան խնդրի կարգավորման հարցում», հայտարարել է Թուրքիայի Մեծ ազգային ժողովի քարտուղար, Ազգայնական շարժման կուսակցության կողմից պատգամավոր Մուրադ Օզկանը: Նրա խոսքերով, այս առաքելությունը պետք է անցնի պատմության արխիվ: «Կարծում եմ, որ համանախագահող երկրները պետք է ընդունեն իրենց անհաջողությունը, եւ հրաժարական տան: Այդ երկրները պետք է գնահատեն իրենց գործունեության արդյունքները: Խնդրի լուծումը պետք է փոխանցել կամ նոր մոդերատորներն, կամ էլ հակամարտության կողմերին: Հայաստանի եւ Ադրբեջանի ղեկավարները ունեն բավարար փորձ համատեղ բանակցություններում: Նրանք կարող են բանակցել առանց միջնորդների», – հայտարարել է թուրք պատգամավորը, հաղորդում է Day.az-ը: