<b>Իրանի</b> հայ համայնքի մասին փաստագրական ֆիլմ կնկարահանվի: Համապատասխան պայմանավորվածությունը ձեռք է բերվել Հայաստանի սփյուռքի նախարար Հրանուշ Հակոբյանի եւ Իրանի նախագահի խորհրդական, ԻԻՀ մշակույթի ու իսլամական կապերի կազմակերպության ղեկավար Մեհդի Մոստաֆավիի հանդիպման արդյունքում:
Հանդիպման ժամանակ քննարկվել են նաեւ Իրանում հայոց լեզվի դասագրքերի հրատարակման եւ մի շարք հայկական դպրոցներում պարսկերենի խորացված դասավանդման հետ կապված հարցեր, հաղորդում է Սփյուռքի նախարարության մամլո ծառայությունը:
Ընդգծելով երկու հարեւան երկրների միջեւ մշտական կապերի բարձր մակարդակը` կողմերը նշել են, որ երկկողմ այցերը վկայում են փոխհարաբերությունների հետագա զարգացման գործում Հայաստանի եւ Իրանի շահագրգռվածության մասին:
