Ջավախքի հայ բնակչությունն առանցքային ռազմավարական դերակատարություն ունի Հայաստանի հաղորդակցությունների անվտնագության տեսակետից: Այդ մասին Երեւանում կայացած մամլո ասուլիսում հայտարարել է Հայաստանի ազգային նոր պահպանողական շարժման առաջնորդ Էդուարդ Աբրամյանը: Ըստ նրա, վրաց իշխանությունների այս կոշտ քաղաքակնությունը միտված է նրան, որ տարածաշրջանի հայերը լքեն իրենց պատմական հողերը կամ ասիմիլացիայի ենթարկվեն: Ինչպես նշել է Էդուարդ Աբրամյանը, իրավիճակը սրվում է նաեւ այն խնդիրների պատճառով, որոնք կապված են Հայ Առաքելական եկեղեցու գործունեության հետ:
«Ջավախքում շուրջ 130 հազար հայ է բնակվում: Այդ տարածաշրջանում ունենք եկեղեցու միայն 5-6 հայ սպասավորներ, որոնք չեն կարող լիարժեք կատարել իրենց պարտավորությունները: Կարելի է ասել, որ ջավախահայերը հոգեւոր սով են զգում»,-ասել է Աբրամյանը: Ըստ նրա, այդ բոլոր խնդիրների լուծման համար հարկավոր է ոչ միայն ՀԱԵ առանձին թեմ հիմնել Ջավախքում, այլ նաեւ փոխել Հայաստանի պաշտոնական քաղաքականությունը տարածաշրջանի խնդիրների հարցում:
