Թուրքիայի եւ Իսրայելի միջեւ հարաբերությունների սրումը դուրս է եկել դիվանագիտական արձանագրության եւ տարրական քաղաքավարության նորմերի շրջանակներից:
Ստամբուլի արվարձաններից մեկում կռունկի վրա ամրացվել է մի ցուցապաստառ, որում պատկերված Իսրայելի նախագահ Շիմոն Պերեսը մինչեւ գոտկատեղը խոնարհվում է վարչապետ Էրդողանի առջեւ: Ցուցապաստառի տեղադրումն ուղեկցվել է զանգվածային ազգայիյն երթով:
Թուրքիայի վարչապետը պետք է այդ նույն շրջան ժամաներ նոր ճանապարհը շահագործման հանձնելու արարողությանը մասնակցելու համար: Նախքան իր ժամանելը Պերեսին պատկերող ցուցապաստառը վերացրեցին:
Թուրքական թերթերը պնդում են, որ ցուցապաստառի ցուցադրությունը Թել-Ավիվում թուրք դեսպանի հրապարակային ստորացման պատասխանն էր, երբ Իսրայելի արտաքին գործերի նախարարի տեղակալ Դանի Այալոնը կանխամտածված կերպով նրան ցածր ոտքերով աթոռ տրամադրեց նստելու համար, հաղորդում է MIGnews-ը:
