Թուրքական իշխանությունները կրկին խոստանում են վերականգնել Վանա լճի հայկական եկեղեցիները: Ինչպես հայտնեց Վանի շրջանի նահանգապետի տեղակալ Հալիլ Բերքը, Չարպանակ կղզու հայկական եկեղեցիները կվերականգնվեն շրջանի վարչակազմի կողմից պատրաստված եւ Վանում զբոսաշրջության զարգացմանն ուղղված նախագծի շրջանակներում:
«Վանա լճում չորս խոշոր կղզի կա, այդ թվում` Աղթամարը: Յուրաքանչյուր կղզու վրա եկեղեցի կա, եւ առայժմ միայն Աղթամար կղզու եկեղեցին է վերականգնվել»,- ասաց նահանգապետի տեղակալը, հաղորդում է Anatolian News Agency-ն:
