«Հայաստան» համահայկական հիմնադրամի ֆրանսիայի տեղական մարմնի ատենապետ Պետրոս Թերզյանը եւ Հոգաբարձուների Խորհրդի վերստուգիչ հանձնաժողովի անդամ Վահէ Ճազմատարյանը Նորին սրբություն Բենեդիկտ XVI Պապի անունից պարգեւարվել են Սուրբ Գրիգոր Մեծի շքանշանով:
1931թ.-ին Գրիգոր XVI-ի կողմից հիմնված այս պատվավոր շքանշանին Հիմնադրամի հոգաբարձուներն արժանացել են հայրենիքում իրականացրած մարդասիրական գործունեության համար: Պարգեւը շնորհվել է սբ. Գրիգոր Մեծի Հայ կաթողիկե եկեղեցու կաթողիկոս-պատրիարք Ամենապատիվ Գերերջանիկ Տեր Ներսես Պետրոս ԺԹ Թարմունու կողմից փետրվարի 28-ին: Արարողությունը տեղի է ունեցել Հռոմի հայկական կաթոլիկ միաբանությունում` կիրակնօրյա պատարագից հետո։
Ինչպես տեղեկացնում է «Հայաստան» Համահայկական հիմնադրամը, հանդիսավոր արարողությանը ներկա են գտնվել տարբեր երկրներից ժամանած բարձրաստիճան հյուրեր, այդ թվում` Իտալիայում Հայաստանի արտակարգ եւ լիազոր դեսպան Ռուբեն Կարապետյանը, կաթոլիկ եպիսկոպոսներ:
