Սլովենիայի նախագահ Դանիլո Տյուրքը կայցելի Հայաստան: Նա այդ մասին ասել է «Կադանս» մշակութային կենտրոնի տնօրեն Նիկա Բաբայանի հետ հանդիպման ընթացքում, տեղեկացնում է ՀՀ մշակույթի նախարարության մամլո ծառայությունը:
«Առաջիկա այցի շրջանակներում 3 հիմնական քննարկվելիք ուղղություններում գերակայողը, անշուշտ, կլինի մշակութային համագործակցությունը», – ասել է Սլովենիայի նախագահը:
Երկու երկրների մշակույթի նախարարությունների աջակցությամբ Սլովենիայում անցկացվում է «Հայաստան` ե՛ւ հեռու, ե՛ւ մոտիկ…» փառատոնը, որի կազմակերպիչներն են «Ցանկար- դոմ» (Սլովենիա) – «Կադանս» (Հայաստան) մշակութային միությունները: Փառատոնի բացումը կայացել է փետրվարի 17-ին, իսկ փակումը տեղի կունենա ամռանը` հունիսի 13-ին:
