EuFoA-ն մտահոգություն է հայտնել ԵՄ նոր նախաձեռնության առնչությամբ (PAN.am)

Հայաստանի եվրոպացի բարեկամները (EuFoA) մտահոգություն են հայտնել առ այն, որ ԵՄ արտաքին հարաբերությունների և անվտանգության գծով ԵՄ ներկայացուցիչ Քեթրին Էշթոնը մտադիր է վերացնել Հարավային Կովկասում ԵՄ հատուկ ներկայացուցչի պաշտոնը և միավորել այդ երկրներում գործող դեսպանատները: Ըստ EuFoA գլխավոր տնօրեն Մայքլ Քամբեքի, դա կտրուկ փոփոխություն կլինի ԵՄ քաղաքականության մեջ, որը վերջերս է արդիականացրել իր դեսպանատները տարածաշրջանի երկրներում և անհատական մոտեցում է ցուցաբերում յուրաքանչյուր երկրի հանդեպ: Ընդ որում Քամբեքը նշել է, որ գոյություն ունեցող դիվանագիտական ներկայացուցչությունները հարկավոր են, որպեսզի Եվրոպական հարևանության և Արևելյան գործընկերության ծրագրերը լուրջ ընկալվեն: