ՀՀ ԱԺ նախագահ Հովիկ Աբրահամյանի գլխավորած պատվիրակությունը Բրյուսելում հանդիպում է ունեցել ԵՄ-Հայաստան խորհրդարանական համագործակցության հանձնաժողովի պատվիրակության հետ: Հանդիպման ընթացքում քննարկվեցին Հայաստան-Եվրամիություն փոխգործակցության հեռանկարները, անդրադարձ եղավ տարածաշրջանային անվտանգության եւ համագործակցության խնդիրներին:
Հովիկ Աբրահամյանն ընդգծեց, որ եվրոպական ուղղությունը և Եվրամիության հետ մերձեցումը մեր երկրի արտաքին և ներքին քաղաքականության առաջնահերթություններից է: Հայաստանն առանձնահատուկ ուշադրություն է դարձնում իր հարաբերությունների զարգացմանը ինչպես Եվրոպական կառույցների, այնպես էլ եվրոպական երկրների հետ` երկկողմ հիմունքներով£ Հանդիպման ժամանակ քննարկվեցին ղարաբաղյան հիմնախնդրի կարգավորմանը եւ հայ-թուրքական հարաբերություններին առնչվող հարցեր:
