Արցախի Հանրապետության նախագահ Բակո Սահակյանը օգոստոսի 17-ին այցելել է Ասկերանի շրջանի Այգեստան գյուղի մոտակայքում տեղակայված «Հայրենյաց պաշտպան» երիտասարդական կազմակերպության ռազմահայրենասիրական ճամբար:
Երկրի ղեկավարը ընդգծել է պաշտպանության բանակի հովանու ներքո կազմակերպվող նման ճամբարների կարևորությունը՝ այն համարելով երիտասարդների ֆիզիկական պատրաստվածության և հայրենասիրական դաստիարակության կարևոր միջոցներից մեկը:
Նախագահին ուղեկցում էին Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, վարչապետ Արա Հարությունյանը, պաշտոնատար այլ անձինք, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը:
