Նոյեմբերի 3-ին ՌԴ Պետդուման տվել է իր համաձայնությունը լիբերալ–դեմոկրատական կուսակցության պատգամավոր Աշոտ Եղիազարյանին անձեռնմխելիությունից զրկելու համար, որին մեղադրում են խոշոր չափերի մեքենայությունների մեջ:
Պետդումայի որոշումը պաշտպանել են 352 պատգամավորներ, դեմ են արտահայտվել 39-ը, 5-ը ձեռնպահ են մնացել: Վճիռն ուժի մեջ է մտնում անմիջապես և ուղարկվելու է ՌԴ գլխավոր դատախազություն, հաղորդում է ՌԻԱ Նովոստին։
Ավելի վաղ Պետդուման թույլ էր տվել Եղիազարյանի դեմ քրեական գործ հարուցել ՌԴ ՔՕ 159 հոդված 4-րդ մասի համաձայն: Այս հոդվածը նախատեսում է մինչև 10 տարվա ազատազրկում:
Դրանից հետո Եղիազարյանին անձեռնմխելիությունից զրկելու խնդրանքով ՌԴ խորհրդարանի ստորին պալատ էր դիմել ՌԴ գլխավոր դատախազ Յուրի Չայկան։
