Նոյեմբերի 14-ին շուրջ 4000 ցուցարարներ են դուրս եկել Փարիզի փողոցներ՝ բողոքելով Բաղդադի Notre-Dame սիրիական եկեղեցում հոկտեմբերի 31-ին 58 քրիստոնյաների սպանության դեմ: Ինչպես PanARMENIAN.Net-ին է հաղորդել անկախ լրագրող Ժան Էքյանը, Pax Christi շարժումը կոչ է արել Իրաքի կառավարությանը անվտանգության երաշխիքներ տալ քրիստոնյաներին՝ դավանանքի, մշակույթի, լեզվի ու քաղաքական ազատությունների պահպանման հարցում: Բողոքի ակցիային մասնակցել են Հայոց ցեղասպանության հարցում թուրքական կառավարության մերժողականության դեմ հանդես եկող Collectif VAN կազմակերպությունը ներկայացնող հայեր, ինչպես նաև քաղկեդոնացի սիրիացիներ, որոնք նույնպես 1915թ. ցեղասպանության զոհ են դարձել:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
