«Լիտվան մտադիր է առանձին ուշադրություն հատկացնել հակամարտությունների կարգավորմանը ԵԱՀԿ-ում նախագահության ժամանակ»,-հայտարարել է Լիտվայի ԱԳ նախարար Աուդրոնյուս Աժուբալիսը ԵԱՀԿ ՄԽ համանախագահներ Ռոբերտ Բրադկեի, Բերնար Ֆասիեի և Իգոր Պոպովի, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ հանդիպմանը:
Հանդիպման ժամանակ Լիտվայի ԱԳՆ ղեկավարը նշել է, որ հարկավոր է ամրապնդել ԵԱՀԿ քարտուղարության, ատյանների ու առաքելությունների դերը: Կողմերը քննարկել են նաև Աստանայի ԵԱՀԿ երկրների ղեկավարների հանդիպումը;
Մտքեր են փոխանակվել Հայաստանի ու Ադրբեջանի հասարակությունների միջև վստահության ամրապնդման ուղղությամբ միջոցների ձեռնարկման շուրջ, հաղորդում է Լիտվայի ԱԳՆ մամլո ծառայությունը:
