ՌԻԱ Նովոստիի կողմից Կիևում կազմակերպված Եվրոպական և ասիական մեդիա ֆորումի (FEAM) շրջանակներում ԱՊՀ-ի, Բալթիկայի երկրների և Վրաստանի լուսանկարների ցուցահանդեսում պոկել են Ռուբեն Մանգասարյանի հեղինակած հայկական լուսանկարների տակ առկա գրությունները: Ցուցահանդեսում ներկայացված լուսանկարներից երկուսը կատարվել են Արցախում: Ընդմիջումից հետո այդ լուսանկարների տակ առկա գրությունները պոկված էին: Միանգամայն հնարավոր է, որ դա ֆորումին մասնակցող ադրբեջանցիների ձեռքի գործն է:
Ֆորումին մասնակցում է նաև PanARMENIAN Media ՍՊԸ գործադիր տնօրեն Արմեն Ազարյանը:
