ՀՀ կառավարությունը դեկտեմբերի 9-ի նիստում հավանություն է տվել ՀՀ հայրենադարձության գործընթացի կազմակերպման հայեցակարգին։ Հայրենադարձությունը ՀՀ նախագահի նախընտրական ծրագրում և մի շարք այլ փաստաթղթերում դիտարկվում է որպես պետական քաղաքականության կարևոր բաղադրիչ։ Կառավարության հավանությանն արժանացած հայեցակարգի հիմքում դրված չէ աշխարհասփյուռ հայության զանգվածային հայրենադարձության կազմակերպումը։
Ինչպես նշել է ՀՀ սփյուռիք նախարար Հրանուշ Հակոբյանը, հայեցակարգում սահմանվող դրույթները վերաբերում են այն հայերին, ովքեր ցանկություն կհայտնեն բնակություն հաստատել Հայաստանի Հանրապետությունում։ Նրանք կարող են լինել անհատներ կամ ընտանիքներ։
