Թուրքիան ի դեմս Հայաստանի պոտենցիալ բարեկամի է տեսնում, այլ ոչ թե թշնամու: Այդ մասին Ստրասբուրգում ԵԽԽՎ նստաշրջանում հայտնել է Եվրոպայի Նախարարների խորհրդի կոմիտեի (ԵՆԽԿ) նախագահ Թուրքիայի արտգործնախարար Ահմեդ Դավութօղլուն` պատասխանելով Հայաստանից պատվիրակի հարցին: Նրա խոսքով` Թուրքիան մեծապես կարևորում է Հայաստանի հետ հարաբերությունների կարգավորումը և Հարավային Կովկասում անվտանգության ու կայունության ապահովումը: Դրա հետ մեկտեղ Ահմեդ Դավութօղլուն նշել է, որ Հայաստանի ու Ադրբեջանի միջև խնդիրների լուծումը խաղաղություն և կայունություն կբերի նաև տարածաշրջանում, հաղորդում է Anatolian News Agency-ն:
Թուրքիան ԵՆԽԿ-ն կգլխավորի մինչև 2011 թվականի մայիս:
