Իրանի ոստիկանությունը շրջափակել է ընդդիմության առաջնորդներից մեկի՝ Միր Խոսեյն Մուսավիի տան մուտքը: Այդ մասին հայտնում է AFP-ն: Արգելափակված են նաև նրա և տիկնոջ, տան և բջջային հեռախոսները:
Միջոցները ձեռնարկվել են թույլ չտալու համար Մուսավիի ու Քարուբիի մասնակցությունը փետրվարի 14-ի ցույցերին՚: Մեհդի Քարուբին փաստարեն գտնվում է տնային կալանքի տակ:
Ըստ «Ռոյթերի» Թեհրանի փողոցներում բազմաթիվ ոստիկաններ կան, որոնք փորձում են կանխել բողոքի ցույցերը: Ընդդիմությունը մտադիր էր այսօր համերաշխություն հայտնել Թունիսի ու Եգիպտոսի բնակիչների հետ, որոնց հաջողվեց իշխանափոխության հասնել:
