Թուրքիան ներկայացրել է և շարունակում է ներկայացնել «Կովկասյան տարածաշրջանում համագործակցության պալտֆորմը»: Այդ մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Ալեքսանդր Լուկաշևիչը: Ըստ նրա, դժվար է ասել, թե կոնկրետ ինչ նկատի ուներ Սահակաշվիլին՝ խոսելով «միավորված Կովկասի» մասին:
«Եթե խոսքը գնում է համատեղ համագործակցության մասին, հաշվի առնելով նոր ինքնիշխան պետությունները՝ Աբխազիայի Հանրապետություն ու Հարավային Օսեթիայի հանրապետությունը, ապա համագործակցություն հաստատելու ցանկացած փորձ կարող է հիմնավորված լինել: Այս դեպքում, ամեն ինչ կախված է նրանից, թե կկարողանա արդյոք Վրաստանի ղեկավարությունը ճանաչել այդ իրողությունները»,-ասել է Լուկաշևիչը:
