Փետրվարի 25-ին Ֆրանսիայի նախագահ Նիկոլյա Սարկոզին կայցելի Թուրքիա կարճատև այցով: Ինչպես հաղորդում են թուրքական ԶԼՄ-ները, ակնկալվում է, որ Թուրքիան աջակցություն կցուցաբերի G20-ում Ֆրանսիայի նախագահության ընթացքում:
Սարկոզիի այցի օրակարգի կարևոր կետ կլինի նաև իրավիճակը տարածաշրջանում: Սարկոզին, հավանաբար, շեշտը կդնի «Լրացուցիչ արձանագրությունը» հաստատելու անհրաժեշտության վրա, ինչը թույլ կտա առաջընթացի հասնել Թուրքիա-ԵՄ բանակցություններում:
Ֆրանսիայի նախագահը կհանդիպի Թուրքիայի նախագահ Աբդուլլահ Գյուլի և վարչապետ Ռեջեփ Թայիփ Էրդողանի հետ:
