Նախքան Սոչիում Հայաստանի և Ադրբեջանի նախագահների հանդիպումը ղարաբաղյան հակամարտության կարգավորման շուրջ բանակցային գործընթացի ակտիվացում է սպասվում: Այդ մասին Բաքվում հայտնել է Հարավային Կովկասում ԵՄ հատուկ ներկայացուցիչ Պիտեր Սեմնեբին:
«Մենք բարձր ենք գնահատում ղարաբաղյան հակամարտության լուծման ուղղությամբ Ռուսաստանի ջանքերը և հավատում ենք, որ այդ ջանքերն են նպաստել լարվածության նվազեցմանը: Միևնույն ժամանակ մենք մտահոգված ենք Հարավային Կովկասում սպառազինության մրցավազքով, որը կարող է վտանգավոր լինել: Այս կապակցությամբ համարում ենք, որ անհրաժեշտ է ակտիվացնել հակամարտության լուծման ուղղությամբ աշխատանքը»,- ասել է Սեմնեբին, հաղորդում է 1news.az-ը:
