Չինաստանում քննարկվել են 2027-ին Երևանում կայանալիք ծանրամարտի ԱԱ-ին վերաբերող հարցեր: Այդ մասին ֆեյսբուքյան իր էջում հայտնել է Հայաստանի ծանրամարտի ֆեդերացիայի ղեկավար Արայիկ Հարությունյանը:
Նա, ֆեդերացիայի գլխավոր քարտուղար Սամվել Գասպարյանի հետ, մասնակցում է Ծանրամարտի միջազգային ֆեդերացիայի համաժողովին, որն անցկացվում է Չինաստանի Նինբո քաղաքում։
«Քննարկվող հարցերի թվում են հաջորդ տարի՝ 2027 թվականին, Երևանում կայանալիք ծանրամարտի աշխարհի առաջնությանը վերաբերող հարցերը»,- նշել է նա։
Նինբո քաղաքում առաջիկա օրերին նախատեսվում է ծանրամարտի աշխարհի առաջնության մեկնարկը։
