Հայաստանի 1000 խոշոր հարկ վճարողները 2026 թվականի հունվար-սեպտեմբերին պետական բյուջե են վճարել 1 տրիլիոն 638 միլիարդ դրամ՝ նախորդ տարվա համեմատ ապահովելով 199 միլիարդ դրամի աճ, հայտնում է Պետական եկամուտների կոմիտեն:
Նախորդ տարվա ցուցանիշը կազմել է 1 տրիլիոն 439 միլիարդ դրամ:
Հարկային մարմին կատարված վճարումների գումարը կազմել է 1 տրիլիոն 367 միլիարդ դրամ․ պետական բյուջե է մուտքագրվել նախորդ տարվա նույն ցուցանիշից ավելի 188 միլիարդ դրամ։
Մաքսային մարմին կատարված վճարումների գումարը կազմել է 271 միլիարդ դրամ․ պետական բյուջե է մուտքագրվել նախորդ տարվա նույն ցուցանիշից ավելի 10 միլիարդ դրամ։
Գերատեսչության պաշտոնական կայքում հրապարակվել են 2026 թվականի առաջին ինն ամիսների ընթացքում Հայաստանի 1000 խոշորագույն հարկ վճարողների կողմից կատարված հարկային և այլ պարտադիր վճարումների վերաբերյալ տվյալները։
