Հոկտեմբերի 27-ի զոհերի հիշատակը մեկ րոպե լռությամբ հարգելուց հետո Ազգային ժողովի նիստում միջադեպ է տեղի ունեցել՝ ԱԺ նախագահ Ռուբեն Ռուբինյանի և ընդդիմադիր պատգամավոր Էդգար Ղազարյանի մասնակցությամբ։
Մտքերի փոխանակման ընթացքում ամբիոնին մոտեցած Ղազարյանը սկսել է քննադատել Ռուբինյանի աշխատանքը՝ ելույթը սկսելով «Ցավալի է ձեզ տեսնել Ազգային ժողովի ամբիոնում» արտահայտությամբ, հայտնում է «Ազատությունը»:
Ռուբինյանը պատգամավորին հորդորել է չշեղվել օրակարգից, սակայն Ղազարյանը շարունակել է ելույթը։ ԱԺ նախագահը նախ կարգադրել է անջատել նրա խոսափողը, ապա անվտանգության աշխատակիցներին հրավիրել դահլիճ՝ պատգամավորին ամբիոնից հեռացնելու համար։
Միջադեպը տեղի է ունեցել «Հայաստանի Հանրապետության տոների և հիշատակի օրերի մասին» օրենքում լրացում կատարելու նախագծի քննարկման ժամանակ, որով առաջարկվում է հունիսի 23-ը սահմանել Հանրային ծառայողի օր։
