Սահմանադրական դատարանի նախագահի ընտրության օրակարգով աշխատակարգային նիստը տեղի կունենա նոյեմբերի 6-ին՝ ժամը 11:00-ին, հայտնում է ՍԴ-ն:
Սահմանադրական դատարանում նախագահի ընտրության նախորդ երկու փուլերն արդյունք չեն տվել: Նախագահի պաշտոնի համար առաջադրվել էր 2 թեկնածու՝ Վլադիմիր Վարդանյանն, իր նախաձեռնությամբ, և Էդգար Շաթիրյանը, որին առաջադրել էր ՍԴ դատավոր Դավիթ Խաչատուրյանը։
Առաջին փուլում թեկնածուներից ոչ մեկը չի ստացել անհրաժեշտ թվով ձայներ, քվեարկության երկրորդ փուլում նույնպես նոր նախագահ չի ընտրվել:
Հոկտեմբերի 12-ին ավարտվել է Արման Դիլանյանի՝ Սահմանադրական դատարանի նախագահի պաշտոնում պաշտոնավարման ժամկետը։
