ՀՀ վարչապետ Նիկոլ Փաշինյանը ցավակցական ուղերձ է հղել Իսպանիայի իշխանություններին և ժողովրդին՝ հոկտեմբերի 28-ին տեղի ունեցած երկաթուղային աղետի հետևանքով զոհվածների ու վիրավորների կապակցությամբ։
«Իմ խորին ցավակցությունն եմ հայտնում Իսպանիայի ժողովրդին և կառավարությանը հոկտեմբերի 28-ին Տոլեդոյում տեղի ունեցած գնացքների բախման հետևանքով զոհերի կապակցությամբ։ Համերաշխություն զոհերի ընտանիքներին և շուտափույթ ապաքինում վիրավորներին։ Հայաստանը կիսում է նրանց վիշտը և մաղթում ուժ և ոգի»,- գրել է նա X-ի իր միկրոբլոգում:
Տոլեդոյի շրջանում երկու արագընթաց գնացքների բախումը տասնյակ մարդկանց կյանք է խլել: Առնվազն 64 մարդ է զոհվել, 80-ը՝ վիրավորվել: Վթարի հնարավոր պատճառը, ըստ ABC-ի, կարող էր լինել օպերատորի սխալը:
