Ադրբեջանի նախագահ Իլհամ Ալիևը չի մասնակցի Թուրքիայում անցկացվելիք Թյուրքական պետությունների կազմակերպության 13-րդ գագաթնաժողովին:
Նշվում է, որ որոշումը պայմանավորված է Բաքվում նախապես ծրագրված միջոցառումներին մասնակցելու անհրաժեշտությամբ և նախագահի աշխատանքային ծանրաբեռնվածությամբ, հայտնում է Minval․az-ը:
Ավելի վաղ՝ հոկտեմբերի 21-ին, Թուրքիայի նախագահ Ռեջեփ Թայիփ Էրդողանը Ալիևին հրավիրել էր մասնակցելու Թյուրքական պետությունների կազմակերպության 13-րդ գագաթնաժողովին։
Սակայն ադրբեջանական կողմը տեղեկացրել է, որ Ալիևի աշխատանքային ժամանակացույցը թույլ չի տալիս ընդունել հրավերը։ Մասնավորապես, հոկտեմբերի 30-ին Բաքվում նախատեսված են ՖԻՖԱ-ի մինչև 15 տարեկանների աշխարհի առաջնության և փառատոնի եզրափակիչ հանդիպումը, ինչպես նաև պաշտոնական փակման արարողությունը։ Նշված միջոցառումներն առաջին անգամ են անցկացվում Ադրբեջանի մայրաքաղաքում։
Ադրբեջանը կներկայացնի երկրի արտաքին գործերի նախարար Ջեյհուն Բայրամովը։
