«Քաղաքացիական պայմանագիր» կուսակցության անդամ, նախկին պատգամավոր Հայկ Սարգսյանին առնչվող քրեական վարույթը Հակակոռուպցիոն կոմիտեից փոխանցվել է Քննչական կոմիտե։ Այդ մասին լրագրողների հետ ճեպազրույցում տեղեկացրել է Քննչական կոմիտեի նախագահ Արթուր Պողոսյանը:
Նա նշել է, որ վարույթը նոր է ստացվել, հայտնում է Radar.am-ը:
«Քրեական վարույթ կա՝ կապված նախկին պատգամավոր, ՔՊ անդամ Հայկ Սարգսյանի հետ, բայց քանի որ նոր ենք այն ստացել Հակակոռուպցիոն կոմիտեից, երբ հանրությանը տեղեկություն տալու տվյալ ունենանք, կիրազեկենք»,- ասել է Պողոսյանը։
Քրեական վարույթը նախաձեռնվել է նախկին պատգամավորի կողմից արտոնյալ պայմաններով երթևեկելու հանգամանքի առնչությամբ։ Գործը վերաբերում է նաև ոստիկանության կողմից այդ հանգամանքը չարձանագրելուն։
