AM
16 Նոյեմբեր 2026 - 10:37 AMT

Փաշինյանն ու Տոֆանը քննարկել են Երևան-Քիշնև ուղիղ ավիաչվերթերի հնարավորությունը

Վարչապետ Նիկոլ Փաշինյանը Ֆրանկոֆոնիայի միջազգային կազմակերպության գագաթնաժողովի շրջանաում հանդիպել է Մոլդովայի վարչապետ Վասիլե Տոֆանի հետ՝ քննարկելով երկկողմ համագործակցության զարգացման հեռանկարները։

Առանձնահատուկ ուշադրություն է դարձվել նաև Երևան-Քիշնև ուղիղ ավիաչվերթերի կազմակերպման անհրաժեշտությանը։ Նշվել է, որ երկու մայրաքաղաքների միջև անմիջական օդային հաղորդակցության հաստատումը կարող է լրացուցիչ խթան հանդիսանալ հայ-մոլդովական հարաբերությունների զարգացման և տարբեր բնագավառներում համագործակցության ընդլայնման համար։

Զրուցակիցները քննարկել են Հայաստան-Մոլդովա համագործակցության հետագա զարգացմանը վերաբերող հարցեր: Մասնավորապես, կարևորվել է առևտրատնտեսական կապերի խորացման ուղղությամբ համատեղ հետևողական քայլերի իրականացումը:

Նիկոլ Փաշինյանը և Վասիլե Տոֆանը մտքեր են փոխանակել նաև տարածաշրջանային նշանակության այլ հարցերի շուրջ:

Վարչապետ Նիկոլ Փաշինյանը մասնակցել է Կամբոջայի վարչապետ Սամդեչ Մոհա Բորվոր Թիպադեյ Հուն Մանեթի և վարչապետի տիկին Լոկ Չումթեավ Բինդիտ Պիչ Չանմոնի անունից ի պատիվ Ֆրանկոֆոնիայի միջազգային կազմակերպության 20-րդ գագաթնաժողովի մասնակիցների տրված ընթրիքին: Ընթրիքի շրջանակում վարչապետ Փաշինյանը կարճատև զրույցներ է ունեցել նաև արտերկրի գործընկերների հետ: