ՄԱԿ Զարգացման ծրագրի պատասխանատու, Նոր Զելանդիայի նախկին վարչապետ Հելեն Քլարկը օրերս այցելել է հնագույն հայկական մայրաքաղաք Անի: Ինչպես հաղորդում են թուրքական ԶԼՄ-ները, Քլարկը գտնվում է Թուրքիայում «Ալյանսներ Արևելյան Անատոլիայում մշակութային զբոսաշրջության համար» ծրագրի շրջանակներում, որն իրականացվում է ՄԱԿ թուրքական գրասենյակի կողմից:
Քլարկի գլխավորած պատվիրակությունը Անի է մեկնել Կարսից:
Աշոտ Բագրատունին Անին հռչակել է որպես Հայաստանի մայրաքաղաք 961թ.` թագավորական գահը Կարսից տեղափոխելով Անի: Քաղաքը նաև միջազգային մշակութային ժառանգության կարևորագույն հուշարձաններից է:
