«Մենք չգիտեինք Հայաստանի ու Թուրքիայի միջև հարաբերությունների կարգավորման գործընթացի մեկնարկի մասին», թուրքական CNN հեռուստաալիքին տված հարցազրույցում հայտարարել է Ադրբեջանի ԱԳ փոխնախարար Արազ Ազիմովը; Ըստ նրա, Թուրքիան սխալ գործեց՝ չզեկուցելով Ադրբեջանին Հայաստանի հետ կարգավորման գործընթացի մեկնարկի մասին:
Ինչպես հայտնում է 1news.az-ը, Ազիմովն իր հարցազրույցում անդրադարձել է հայ-թուրքական հարաբերությունների կարգավորմանը՝ ասելով. « Եթե ժամանակին Ադրբեջանը իմանար Հայաստանի ու Թուրքիայի միջև կարգավորման մասին, գործընթացը կարող էր այլ հունով ընթանալ: Իսկ Ցյուրիխում ստորագրված արձանագրությունները փակուղի տարան ղարաբաղյան բանակցությունները»:
Ազիմովը նշել է, որ պետք չէ առաջընթաց ակնկալել Ղարաբաղի հարցում, քանի որ շուտով ապրիլի 24-ն է, ինչպես նաև դրանից հետո:
