Արցախի Հանրապետության նախագահ Բակո Սահակյանը մարտի 25-ին հանրապետության օրենսդիր, գործադիր եւ դատական իշխանությունների ներկայացուցիչների մասնակցությամբ անցկացրել է խորհրդակցություն՝ նվիրված փորձագիտական հիմնարկների աշխատանքներին:
Երկրի ղեկավարը նշել է, որ փորձագիտական լաբորատորիաների լիարժեք գործունեության ապահովման ուղղությամբ անելիքները շատ են եւ անհրաժեշտ է լուրջ միջոցառումներ իրականացնել նրանց զարգացման համար:
Նախագահը կարեւորել է նյութատեխնիկական բազայի բարելավման եւ մասնագետների պատրաստման հիմնախնդիրները: Բակո Սահակյանն ընդգծել է, որ պետությունը կանի հնարավորը այս ուղղությամբ եւ կոնկրետ հանձնարարականներ է տվել շահագրգիռ մարմինների ղեկավարներին:
Խորհրդակցությանը մասնակցում էին փոխվարչապետ, ֆինանսների նախարար Սպարտակ Թեւոսյանը, պաշտոնատար այլ անձինք, հայտնում է ԼՂՀ նախագահի մամլո ծառայությունը:
