Եթե 2012-ին Եվրամիության հերթապահ նախագահ Կիպրոսի ներկայացուցիչ ընտրվի, Թուրքիան կխզի հարաբերությունները ԵՄ հետ: Այդ մասին նախօրեին հյուսիսային Կիպրոսի ռադիոկայանին տված հարցազրույցում հայտնել է Թուրքիայի փոխվարչապետ Բաշիր Աթալայը, հաղորդում է Anadolu գործակալությունը:
«Եթե հարավային (հունական) Կիպրոսի հետ խաղաղության մասին բանակցությունները փակուղի մտնեն, սակայն Եվրամիությունը, այնուամենայնիվ, նախագահություն տրամադրի նրան, Թուրքիայի և ԵՄ պետությունների միջև իսկական ճգնաժամ կառաջանա: Մենք կսառեցնենք բոլոր հարաբերությունները»,- ասել է նա:
