Իրանի նախագահ Մահմուդ Ահմադինեժադը հայտարարել է, որ Թեհրանը մտադիր չէ հետաքննություն անցկացնել ԱՄՆ-ում սաուդյան դեսպանի դեմ դավադրության գործով, հայտնում է France Presse-ը:
«Ինչո՞ւ մենք պետք է հետաքննություն վարենք: ԱՄՆ-ն մշտապես ինչ-որ նոր մեղադրանքներ է ներկայացնում Իրանին: Դա սխալ դիրքորոշում է»,-ասել է Ահմադինեժադը «Ալ-Ջազիրային» տված հարցազրույցում:
Ըստ Ահմադինեժադի, Իրանին ներկայացվող մեղադրանքները կոչված են ուշադրությունը շեղել Սպիտակ տան տնտեսական քաղաքականության դեմ ուղղված զանգվածային ցույցերից, որոնք արդեն շուրջ մեկ ամիս է շարունակվում են ԱՄՆ-ում: Ավելի վաղ Իրանի ԱԳ նախարար Ալի Աքբար Սալեհին հայտարարել էր, թե Իրանը պատրաստ է «ուսումնասիրել այդ հարցը, նույնիսկ եթե այն արհեստականորեն է ստեղծվել»:
Հոկտեմբերի 12-ին դավադրության բացահայտման մասին հայտնեց ԱՄՆ գլխավոր դատախազ Էրիկ Հոլդերը: Ըստ նրա, դեսպանի սպանությունը նախապատրաստում էին Իրանի կառավարության որոշ խմբավորումներ:
