Ֆրանսիայի ԱԳՆ-ն պաշտոնական տեղեկատվություն չունի Ժակ Ֆորին ԵԱՀԿ ՄԽ համանախագահ նշանակելու մասին: Այդ մասին PanARMENIAN.Net-ին են հայտնել Ֆրանսիայի ԱԳՆ-ում:
«Այս տեղեկատվությունը պաշտոնական չէ»,-ասել է ԱԳՆ մամլո ծառայությունում՝ մեկնաբանելով Ժակ Ֆորի նշանակման մասին լուրերը:
Նախօրեին հայկական ԶԼՄ-ները տեղեկատվություն էին տարածել այն մասին, որ Ուկրաինայում Ֆրանսիայի նախկին դեսպան Ժակ Ֆորը նշանակվել է ԵԱՀԿ ՄԽ համանախագահի պաշտոնում՝ Բերնար Ֆասիեի փոխարեն: Այդ մասին ԶԼՄ-ներին է հայտնել ֆրանսիացի քաղաքագետ, Ֆրանսիայի Ռազմավարական հետազոտությունների հիմնադրամի փորձագետ Կայծ Մինասյանը՝ հղում անելով սեփական աղբյուրներին:
