Հայաստանի խորհրդարանը շաբաթ օրը վավերացրել է հայ-հունական միջկառավարական հուշագիրը Կոսովոյում միջազգային խաղաղարար գործողություններին հունական գումարտակի կազմում հայ զինծառայողների մասնակցության վերաբերյալ: Այժմ մնում է միայն համապատասխան նամակ ստանալ ՆԱՏՕ-ից: Ինչպես ավելի վաղ հաղորդել էր Հայաստանի պաշտպանության նախարար Սերժ Սարգսյանը, հայ զինծառայողների դասակը հավանաբար Կոսովո կմեկնի 2004 թվականի հունվարին: Ինչպես նշվում է հուշագրին կից արձանագրությունում, Կոսովոյում հայ խաղաղապահների տեղավորման եւ ապրուստի հետ կապված բոլոր ծախսերը հոգալու է հունական կողմը: Շարքային կազմի ամսեկան աշխատավարձը կկազմի 360 եվրո, սպաներինը` 510 եվրո: Հայ խաղաղապահների ռոտացիան կիրականացվի է կես տարին մեկ անգամ:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
