Հայաստանի պատմության մեջ առաջին անգամ երկու մեղադրյալներ դատապարտվել են ցմահ բանտարկության: Համապատասխան դատավճիռը, ինչպես տեղեկացնում է «Արմինֆո» գործակալությունը, կայացրել է երեկ Երեւանի Շենգավիթի համայնքի առաջին ատյանի դատարանը` Արթուր Գալստյանի եւ Միքայել Մարտիրոսյանի նկատմամբ` նրանց մեղավոր ճանաչելով հունիսի 5-ին ծանրացուցիչ հանգամանքներում կանխամտածված սպանություն կատարելու համար: Հիշեցնենք, որ նախկին Քրեական օրենքի համապատասխան նման հանցագործության համար որպես պատժի գերագույն միջոց նախատեսված էր մահապատիժ: Նշենք, որ Արթուր Գալստյանն ու Միքայել Մարտիրոսյանը դժգոհություն են հայտնել, իրենց կարծիքով, չափազանց դաժան դատավճռի առնչությամբ, եւ նրանց փաստաբաններն արդեն հայտարարել են դատավճիռը բողոքարկելու մտադրության մասին:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
