Այսօր Թբիլիսիյում Վրաստանի Պետական գրասենյակի շենքի առջեւ սկսվել է Վրաստանի Գարդաբանի շրջանի Կրծանիսի գյուղի բնակիչների բողոքի ցույցը: Ինչպես հաղորդում է «Ռոսբալտ» գործակալությունը, նրանք հանդես են գալիս արտահանող նավթատարի շինարարության դեմ գյուղի տարածքում, որտեղով անցնելու է նաեւ Բաքու-Թբիլիսի-Էրզրում գազատարը: Նրանք գտնում են, որ տարածաշրջանում նավթա- եւ գազատարի առկայությունը վտանգավոր է բնապահպանական տեսանկյունից եւ սպառնալիք է հանդիսանում տարածաշրջանի բնակիչների առողջության համար: Ակցիայի մասնակիցները ընդգծում են, որ նավթատարն ու գազատարը չպետք է անցնեն բնակավայրերի անմիջական հարեւանությամբ:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
