Ադրբեջանը մի փոքր ետ է մնում հարեւան Հայաստանից ԵվրաԽորհրդին անդամակցելիս ստանձնած պարտավորությունների կատարման առումով: Այդ մասին Եվրախորհրդի խորհրդարանական վեհաժողովում (ԵԽԽՎ) Ադրբեջանի պատվիրակության անդամների հետ հանդիպման ժամանակ հայտարարել է այսօր Եվրախորհրդի նախարարների կոմիտեի դիտարկման խմբի ղեկավար Պիետրո Էրկոլե Ագոն: Նրա խոսքերով, ինչպես տեղեկացնում է «Թուրան» գործակալությունը, հարկավոր է, որպեսզի Ադրբեջանն օգտագործի Հայաստանի փորձը, որը կազմել է պարտավորությունների կատարման ժամանակացույց եւ հետեւում է դրան: Անդրադառնալով ղարաբաղյան հակամարտության կարգավորմանը, Պ.Ագոն կարեւորել է Եվրախորհրդի Նախարարների կոմիտեում եւ ԵԽԽՎ-ում այդ հարցի քննարկումը: Սակայն, ավելացրել է նա, խնդրի կարգավորմամբ զբաղվում է ԵԱՀԿ Մինսկի խումբը եւ Եվրախորհրդի արդյունավետ գործունեությունը կարող է խթանել Մինսկի խմբի աշխատանքը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
