Իրանից եւ Թուրքիայից Հայաստան ներմուծվող 34 տեսակի սննդամթերքներ ծանր մետաղների տարրեր են պարունակում: Այդ մասին հայտարարել է Հայաստանի սպառողների իրավունքների պաշտպանության միության նախագահ Աբգար Եգոյանը Երեւանում կայացած Տարածաշրջանային էկոլոգիական կենտրոնի խորհրդաժողովում: Նրա խոսքերով, իր կողմից անցկացված դիտարկման արդյունքները վկայում են այն մասին, որ նշված երկրներից ներմուծվող շատ մթերքներում հայտնաբերվել են նաեւ բացիլներ, աղիքային ցուպիկների, անտիբիոտիկների եւ այլ վնասակար նյութեր, որոնք գերազանցում են գոյություն ունեցող բոլոր նորմերը: Ինչպես հաղորդում է «Արմինֆո» գործակալությունը, խոսքը վերաբերում է, մասնավորապես, շոկոլադին, վաֆլուն, փոշիացված հյութերին, մարգարինին, կենդանական եւ բուսական յուղերին, մսին եւ տարբեր համեմունքներին ու համային հավելումներին:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
