Լեռնային Ղարաբաղի համար կարեւոր է միջազգային հանրությանը հասցնել սեփական դիրքորոշումը, «քանի որ շատ եվրոպական կառույցներ ծանոթ չեն ղարաբաղյան հակամարտության էությանը»: Այդ մասին հայտարարել է Լեռնային Ղարաբաղի նախագահ Արկադի Ղուկասյանը` Եվրոպայի Խորհրդի Խորհրդարանական Վեհաժողովի (ԵԽԽՎ) Լեռնային Ղարաբաղի հարցով զեկուցող Թերի Դեւիսի հետ հանդիպումից հետո: «Մենք պետք է մյուս հակամարտող կողմի հետ հավասար իրավունքներ ունենանք եւ մեր իրավունքները կպաշտպանենք բոլոր միջազգային ատյաններում»,- նշել է ԼՂՀ նախագահը: Նրա խոսքերով` եվրոպական դիվանագետները պետք է «նպաստեն հակամարտության կարգավորմանը, այլ ոչ թե կատարեն ադրբեջանական կողմի քմահաճույքները»:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
