Ադրբեջանի նախագահ Իլհամ Ալիեւը չի համարում, թե Լեռնային Ղարաբաղի հակամարտության կարգավորման գործընթացը անելանելի իրավիճակում է: «Ես չեմ կարող ասել, թե ինչն է հիմք հանդիսանում նման հայտարարություններ անելու համար»,- ասել է Ալիեւը լրագրողներին Ղազախստան կատարած պաշտոնական ուղեւորությունից Բաքու վերադառնալուն պես: Ինչպես հաղորդում է ՌԻԱ «Նովոստի» գործակալությունը, Ալիեւը կրկին հայտարարել է «միջազգային իրավունքի նորմերի հիման վրա Ադրբեջանի տարածքային ամբողջականության վերականգնման» որպես իրավիճակից դուրս գալու միակ ելքի մասին: Հիշեցնենք, որ ղարաբաղյան կարգավորման հարցում փակուղային իրավիճակի մասին վերջերս ասել է ԵԱՀԿ Մինսկի խմբի ռուս համանախագահ Յուրի Մերզլյակովը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
