Իսկ հիմա՝ ամենաուշագրավ իրադարձությունների մասին.

🎻 Դասական երաժշտությունից…

• ▪️ Հարավկորեացի դաշնակահար Յունչան Լիմն ընդամենը 18 տարեկանում դարձել է դասական երաժշտության աշխարհի աստղ, հեղինակավոր մրցույթների ամենաերիտասարդ դափնեկիրն է ու անգամ հասցրել է հուզել հայտնի դիրիժորների՝ https://tinyurl.com/2u5dyu6w
• ▪️ Ագաթա Քրիստիի էկրանավորումներից մինչև ջազ և Օսկարի արժանացած սաունդթրեքեր. Ռիչարդ Ռոդնի Բենեթը բրիտանացի ամենատաղանդավոր կոմպոզիտորներից է, ում հաջողվել է համատեղել ամենատարբեր ժանրերն ու ոճերը` https://tinyurl.com/22nm477s
• 🇦🇲 The Sidewalk Five-ը համախմբել է հինգ երաժիշտների, որոնց ստեղծագործական ուղիները միավորվում են մեկ գեղարվեստական գաղափարի շուրջ. Օգոստոսի 9-ին Բաբաջանյան համերգասրահում կհնչեն հեղինակային գործեր՝ ինքնատիպ ջազային մեկնաբանությամբ՝ https://tinyurl.com/2ja4xypf

📚 Գրականությունից…

• ▪️ «Մերիլին Մոնրո. Դիմանկար» գիրքն անխուսափելիորեն հիշեցնում է Էնդի Ուորհոլի աշխատանքները, բայց նա միակը չէր, որ ոգեշնչվում էր կինոաստղի կերպարով։ Կարդացեք, թե ովքեր էին այն արվեստագետները, որ ոգեշնչված էին Մոնրոյի կերպարով՝ https://tinyurl.com/mwb2y9wm
• ▪️ Նոր աշխատությունն ուսումնասիրում է, թե ինչպես է փոխվել միջնադարյան եվրոպացիների վերաբերմունքը վայրի բնության նկատմամբ և ինչպես է քրիստոնեական Եվրոպան սկսել վախենալ անտառից ու այնտեղ ապրող գազաններից` https://tinyurl.com/2uneup39
• 🇦🇲 Մշակութային առօրյան ավելի բազմազան դարձնելու համար էլ այցելեք «Թատրոն Տանիքում», որտեղ կարող եք դիտել ժամանակակից գրող Ալեքս Մայքլիդիսի «Լռակյաց հիվանդը» հոգեբանական դրամայի հիման վրա բեմադրված ներկայացումը՝ https://tinyurl.com/mr7mnpa2

🏛️ Կերպարվեստից…

• ▪️ Հանդուգն ու արտասովոր. Էլիզա Դուգլասը Gagosian պատկերասրահում իր դեբյուտի համար վերամշակել է չվաճառված կտավներն ու դրանցում արտացոլել պարանորմալ երևույթների թեման՝ https://tinyurl.com/4x5ncwen
• ▪️ Արհեստական բանականության օգուտների մասին. ԱԲ-ի և արվեստագետների հարաբերությունները սովորաբար այնքան էլ լավ չեն, բայց այս անգամ ԱԲ-ն զարմացրել է թալանված արվեստի գործերը փնտրելու և տվյալներն ուսումնասիրելու իր կարողությամբ՝ https://tinyurl.com/yfcfym2e
• 🇦🇲 Ընդամենը մի քանի օրից կմեկնարկի 5-րդ Gyumri Art Week-ը. Այս տարի այն անցկացվում է «Քաղաքը և ժամանակը» խորագրի ներքո՝ առաջարկելով ուսումնասիրել քաղաքը որպես տարբեր ժամանակների հատման, համակեցության և փոխակերպման տարածք` https://tinyurl.com/3c73sst4

🎬 Կինոյից…

• ▪️ Նոլանի «Ոդիսականը» շարունակում է իր հաղթարշավն ու արդեն հստակ կարելի է պնդել, որ այն դարձել է ամռան ամենաքննարկվող ֆիլմը. The Guardian-ի ընթերցողները կիսվել են իրենց տպավորություններով, ոմանք նույնիսկ համեմատականներ են տարել Ջեյմս Բոնդի հետ՝ https://tinyurl.com/56m2dp7d
• ▪️ «Սարդ մարդը. Նոր օր» ֆիլմը ևս տպավորիչ արդյունքներ է գրանցում. Հիացմունքի խոսքերը քիչ չեն, բայց կա նաև տեսակետ, որ Թոմ Հոլանդի մարմնավորած կերպարն արդեն սպառում է իրեն։ Նրա Սարդ-մարդը պետք է վերջապես հասունանա կամ տեղը զիջի ավելի երիտասարդ դերասանի` https://tinyurl.com/2267n98a
• 🇦🇲 Թեմայի շուրջ ձեր կարծիքը կազմելու համար օգոստոսի 6-ից «Սարդ մարդը. Նոր օր» ֆիլմը կարող եք դիտել նաև Երևանի կինոթատրոններում՝ https://tinyurl.com/35x4jd2f

🎶 Ժամանակակից երաժշտությունից…

• ▪️ Երկար դադարից հետո Bon Iver խմբի հիմնադրած Eaux Claires երաժշտական փառատոնը վերադարձել է, իսկ երաժշտական այս տոնի գլխավոր անակնկալը Bon Dylan նախագիծն է, որի շրջանակում հնչել են լեգենդար Բոբ Դիլանի հայտնի երգերը՝ https://tinyurl.com/5n762d69
• ▪️ Ամերիկացի մեծանուն շեփորահար ու կոմպոզիտոր Ուինտոն Մարսալիսը պատրաստվում է Էդինբուրգի փառատոնին 200 երաժիշտների հետ ներկայացնել իր All Rise սիմֆոնիան. Նրա խոսքով 12 մաս ունեցող ստեղծագործությունը նպատակ ունի միավորելու Ամերիկան՝ https://tinyurl.com/um83asuj
• 🇦🇲 Օգոստոսի 20-ին Ֆորշը և «Ռե Մինոր» բենդը Khachaturian Rooftop-ում կներկայացնեն իրենց ամենահայտնի երգերն ու կստեղծեն միջավայր, որտեղ կենդանի երաժշտությունը, բաց երկինքը և Երևանի գիշերային համայնապատկերը կմիավորվեն մեկ անմոռանալի փորձառության մեջ՝ https://tinyurl.com/8wkda2su